Irailaren bukaerarekin batera, 4. mailako kideok aukera paregabea izan genuen Artzabalgo urmaeletan (putzuetan), txorien migrazioari buruzko argibideak jasotzeko. Bertan Aranzadiko adituek txorien eraztunketa nola egiten den erakutsi ziguten. Bertatik bertara bizi ahal izan genuen inguruko hegaztien aberastasuna: zozoa, erreka-txindorra, erregetxoa, txantxangorria, martin arrantzalea...
Goiz buelta aparta bizi izan genuen, oinez egindako txangoarekin.
